პირველი მესიჯები საშვილოსნოდან - ორსულობის 5 თვე
ნაყოფი ±25 სმ-მდე იზრდება, წონაში კი ±500 გრ-ს აღწევს. ხდება ორსულისთვის ერთ-ერთი ყველაზე სანუკვარი მოვლენა - დედა გრძნობს ნაყოფის პირველი შესამჩნევ მოძრაობებს ე.წ. დარტყმებს.
ორსულობის მე-5 თვის 1 კვირის განმავლობაში
მთავრდება ნაყოფის ქსოვილების და ორგანოების დიფერენციაცია და ცალკეული ორგანოების ჩამოყალიბება.
ვითარდება მისი „რიგით ბოლო“ ორგანო - ელენთა, რომელშიც შემდგომში წარმოქმნის ნაყოფის ერითროციტების თითქმის ნახევარს.
ნაყოფის გრძნობითი ორგანოების სისტემა ასრულებს ჩამოყალიბების პროცესს, მას შეუძლია ხედვა, სმენა, ყნოსვა, გემოს და შეხების აღქმა.
ნაყოფს უკვე აქვს თანდაყოლილი რეფლექსები - მას შეუძლია წოვა, ყლაპვა, ხელით საგნების მიტაცება, რასაც ახორციელებს კიდეც საშვილონოსშიდა გარემოში .
ორსულობის მე-5 თვის 2 კვირის განმავლობაში
ნაყოფის მოძრაობების აღქმას იწყებს დედა და მას „პირველ დარტყმებს“ უწოდებს.
ორსულობის მე-5 თვის 3 კვირის განმავლობაში
ნაყოფი წოვს თითს, ხან ხელის და ხან ფეხის, ნაყოფი ხელით „მიიტაცებს“ ყველა საგანს, რომელიც შეეხება, ყველაზე ხშირად ჭიპლარს, ნაყოფი ყლაპავს სანაყოფე წყლებს. ნაყოფი მოძრაობს ყველა მიმართულებით - შეუძლია იყოს თავით ზევით, ქვევით ან გარდი-გარდმო, მოძრაობით აქტივობას ის წამოიწყებს ან რაიმე სტიმულზე საპასუხოდ, ან საკუთარი ინიციატივით.
ნაყოფს დღე-ღამეში ძინავს 18 საათი, ძილის დროს თვალები დახუჭული აქვს და გარკვეულ პოზას იკავებს.
ორსულობის მე-5 თვის 4 კვირის განმავლობაში
მიმდინარეობს ნაყოფის ძვლებში კალციუმის ჩალაგება.
ნაყოფი საკუთარ თავს უკვე სამ-განზომილებიან სივრცეში აღიქვამს, სწავლობს ხელებით საკუთარი სხეულის ნაწილებს.