Orsuli.ge - მთავარი გვერდი

პრემიუმ სტატიები





  • კითხვა

    gamarjobat mainteresebs ramdenad aris dashvebili 2 tvis bavshvis qalaqgaret gayvana?

    პასუხი

    შესაბამისი პირობების შექმნის შემთხვევაში შესაძლებელია 2 თვის პატარას მოგზაურობა (ამ ასაკში ბავშვები თვითმფრინავითაც კი გადაყავთ). აქ მნიშვნელოვანია - შესაბამისი პირობები - რაც მოიცავს ბავშვის ყოფნას ადექვატურ ტემპერატურულ გარემოში (არანაკლებ 22 გრადუსი ტემპერატურით), კვების პირობების შექმნას, ჰიგიენური ღონისძიებების შესაძლებლობას.

    ასევე გასათვალისწინებელია, აქვს თუ არა პატარას რაიმე თანმხლები დაავადება ან სიმპტომი, ხომ არ ახველებს, ხომ არ "ჩამოსდის ცხვირიდან", ხომ არ ქონდა მაღალი ტემპერატურა ან დიარეა (კუჭის აშლა) უახლოვესი 6 დღის მანძილზე ანუ მგზავრობის დასაშვებობაზე ვსაუბრობთ მხოლოდ ჯანმრთელი 2 თვის ბავშვის შემთხვევაში.

    ნინი დუმბაძე
    მომხმარებელი
    2016-03-31 18:31:46

  • კითხვა

    mainteresebs ramden kviraze unda mivmarto eqims ?

    პასუხი

    სასურველია გინეკოლოგს მიმართოთ ორსულობის დადგენისთანავე, რაც გინეკოლოგიური ვადით მე-5-8 კვირის განმავლობაში ხდება საშუალოდ. ასევე გაითვალისწინეთ, რომ გინეკოლოგიური ვადით მე-12 კვირამდე აუცილებელია გინეკოლოგთან პირველი ვიზიტის განხორციელება, რათა გამოირიცხოს და ნამკურნალებ იქნას ორსულობის ფიზიოლოგიური მიმდინარეობისთვის რისკის შემქმნელი ყველა ფაქტორი.

    ორსულობის მე-12 კვირამდე ძალიან მნიშვნელოვანია ორსულმა მიიღოს ფოლიუმის მჟავა (პირველ ვიზიტზე ორსულს გინეკოლოგი უნიშნავს ამ პრეპარატს), რომელიც უზრუნველყოფს პატარას ნერვული სისტემის ორგანოების სწორ განვითარებას და ახდენს ამ სისტემის ორგანოების დეფექტების წარმოქმნის პროფილაქტიკას.

    სოფო ნიკურაძე
    მომხმარებელი
    2016-03-31 18:23:05

  • კითხვა

    var rva tvis orsuli erti tvis ukan gavikete exoskopia shezleba kidev rom gaviketo?

    პასუხი

    შეიძლება მხოლოდ ექიმის დანიშნულებით, მშობიარობამდე, დაახლოვებით 38-40 კვირისთვის.

    თუ თქვენი ორსულობა ჩვეულებრივ მიმდინარეობს და აქამდე პრობლემები არ ფიქსირდებოდა, რომელთა გადამოწმება აუცილებელია ექოსკოპიური კვლევით, გირჩვეთ ზედმეტად არ ჩაიტაროთ ეს კვლევა, ორსულობისას მისი უსაფრთხოების მიუხედავად არაა რეკომენდებული ნებისმიერი ზედმეტი ჩარევა.

    januka
    მომხმარებელი
    2016-03-28 17:34:31

  • კითხვა

    მოგესალმებით,მაინტერესებს ბავშვს დაბადების წუთიდან და სანამ სამშობიაროში იმყოფება , რა აცრები და ანალიზები უტარდება? წინასწარ დიდი მადლობა...

    პასუხი

    რა პროცედურები და მანიპულაციები უტარდება ახალშობილს სამშობიარო სახლში დაწვრილებით შეგიძლიათ წაიკითხოთ ჩვენს სტატიაში "ახალშობილი სამშობიარო სახლში".

    დაბადებიდან 12-საათში ახალშობილს უტარდება B-ჰეპატიტის საწინააღმდეგო აცრა, მე-2-5 დღეს კი  ანტიტუბერკულოზური ე.წ. ბეცეჟე (BCG) ვაქცინაცია.

    Gvanca
    მომხმარებელი
    2016-03-28 17:28:47

  • კითხვა

    გამარჯობა, მალდობა ყურადღებისთვის წინასწარ. ზაფხულში შემიწყდა ორსულობა 5 კვირის ვადაზე და გამიკეთდა მედიკამენტოზური ზედმეტი ჩარევების გარეშე რადგან პატარა ვადა იყო. არანაირი ვირუსი არ მქონია სამი თვის წინ დავამთავრე ცისტიტზე მკურნალობა გინეკოლოგის დანიშნულებით და ვსვავდი ფოლიოს.

    11 თებერვალს მქონდა ბოლო მენსტრუაცია მარტში გადამიცდა ათი დღის გადაცდენაზე ტესტმა მკრთალად მიჩვენა მეორე ხაზი .ეხო გავიკეთე 25 ში ანუ გუშინწინ, ვაგინალური, გენრიეტა გაგოშიძესთან და არ გამოჩნდა არაფერი მხოლოდ სქელი ენდომეტრიუმი და დამიბარეს სამშაბათს დღეს ტესტი ისევ დადებითია ძალიან ვნერვიულობ გარე ორსულობა არ იყოს და მაინტერესებს ვაგინალურზე ხო გამოჩნდებოდა გარე ორსულობა?ძალიან მეშინია

    პასუხი
    ორსულობის დასადგენი პირველი ექოსკოპიური კვლევა ტარდება მე-5-8 კვირის ფარგლებში, თქვენი ვადა დაახლოვებით 7 კვირაა, შესაბამისად მე-8 კვირის თავზე აბსოლუტურად ზუსტად უნდა გამოჩნდეს ემბრიონის მიმაგრების ადგილი და მისი ზომები. ხშირად ადრეულ ვადაზე მხოლოდ გასქელებული ენდომეტრიუმის სურათს აფიქსირებენ ექოსკოპისტები და ჯერ ვერ ხედავენ სანაყოფე ბუშტს.
    თქვენს ვადაზე უკვე კარგად ჩანს არის თუ არა საშვილოსნოსგარე ორსულობა (4.5-5 კვირიდან ეს მოვლენა ფიქსირდება მაღალმგრძნობიარე ექოზე), შესაბამისად ჩვენს არ ვფიქრობთ, რომ თქვენ ეს პრობლემა გემუქრებათ, თუმცა შეუძლებელია იმსჯელო ექოსკოპიური კვლევის კვალიფიციურობაზე. ჩვენ შეგვიძლია გირჩიოთ წაიკითხოთ ჩვენი სტატია "საშვილოსნოსგარე ორსულობა", ამ მდგომარეობას ახასიათებს საკმაოდ მძიმე საერთო მდგომარეობა - მუცლის ტკივილი, თავბრისხვევა, სისუსტე, სისხლიანი გამონადენი და სხვ., რომლის შეუმჩნევლობაც შეუძლებელია. გვინდა გირჩიოთ, არ ინერვიულოთ, თქვენ ორსულად ხართ და გისურვებთ ჯანმრთელ და ბედნიერ ორსულობას!
    sofo
    მომხმარებელი
    2016-03-28 17:23:26

  • კითხვა

    gamarjobat bolo menstruacia mqonda 10tebervals 13 dgea gadacileba maq ati dgis ukan vikavi exoze ragac aris narjvena sakvercxehi ver gaiges ra damibares at dgehi,maqvs gmonadeni mkerdhi temperatura37.5 welis tkivili,testi arahvenebs/heicleba tuara ikos orsuloba,maqvs orqiani sadhvilosni arasruli tixari 8welia armkveboda pirveli momehala 7tvis ukan,madloba

    პასუხი
    ნათია, თქვენი ბოლო მენსტრუაციის თარიღიდან გამომდინარე, თუ ორსულობა შემდგარია, თქვენ 17 მარტიდან ტესტით უნდა დადებითი პასუხი მიგეღოთ. თუ ორსულობა შემდგარია, რატომ ვერ მიიღეთ დადებითი პასუხი, ამ ეტაპზე ამ საკითხზე შეგვიძლია რამოდენიმე ვარაუდი გამოვთქვათ:
    თუ გავითვალისწინებთ თქვენი გინეკოლოგიური ორგანოების თავისებურებებს (ორრქიან საშვილოსნოს არსებობას), შესაძლებელია ადგილი ჰქონდეს ტესტის გაწითლებაზე "პასუხისმგებელი" ჰორმონის - ქორიონული ქონადოტროპინის - სიმცირეს, რამაც შესაძლოა ცრუ უარყოფითი ტესტის პასუხი გამოიწვიოს, ამ შემთხვევაში ამ ჰორმონს საზღვრავენ სისხლში, ასე დგინდება ნამდვილად არის თუ არა ორსულობა, სისხლის ტესტი უფრო ადრე ავლენს ორსულობას, თუმცა მას სახლში ვერ ჩაიტარებთ, ლაბორატორიაში და კლინიკაში ტარდება.
    ასევე შესაძლებელია თქვენ გახანგრძლივებული და არასტაბილური მენსტრუალური ციკლი გაქვთ, შესაბამისად ტესტის გაწითლება მოსალოდნელია უფრო გვიან, დაახლოვებით 25-27 მარტისთვის, ამიტომ გაიმეორეთ ტესტი.
    ადრეულ ვადაზე ექოსკოპიური კვლევა ხშირად ვერ აფიქსირებს ორსულობას, ამიტომ ვერ დადგინდა ჯერ ექოსკოპიურად ორსულობა.
    ამ საკითხებზე კიდევ უფრო დაწვრილებით ინფორმაციის მისაღებად შეგიძლიათ გაეცნოთ ჩვენს სტატიას "ორსულობის დადგენა".
    Natia Kvantidze
    მომხმარებელი
    2016-03-25 20:30:34

  • კითხვა

    gamarjobat maqvs ciklis dargvevaa micdeba tveobit mainteresebs ra sheidzleba mivigo rom mwobshi chamidges ? 2 welia gatxovili var da maqvs es problema fexmdzimedac ver vrchebi iqneb mirchiot rame

    პასუხი
    მარი, არ არსებობს რაიმე წამალი ან პროცედურა, რომლის რჩევაც შესაძლებელია ონლაინ-კონსულტაციით. გინეკოლოგიაში არსებობს ორსულობის ხელისშემშლელი ფაქტორები, მათ შესახებ უფრო დაწვრილებით შეგიძლიათ წაიკითხოთ სტატია ჩვენს საიტზე.
    ასევე თქვენთვის საინტერესო იქნება გაეცნოთ სტატიას "დაორსულების მენეჯმენტი", სადაც გადმოცემულია დაორსულების სტიმულაციის სქემატური მოდელი.
    თქვენთვის მოცდის დრო, რომლის განმავლობაშიც უნდა დალოდებოდით ბუნებრივად დაორსულებას ანუ 2 წელი, უკვე გასულია, შესაბამისად გჭირდებათ ექიმ-რეპროდუქტოლოგთან კონსულტაცია და დაორსულების ხელისშემშლელი მიზეზების დადგენა/მკურნალობა.
    Mari Kapanadze
    მომხმარებელი
    2016-03-25 20:07:46

  • კითხვა

    gamarjobat,var orsulad,cina ori mshobiaroba sakeisro gaketda,anu es axla mesamea,ramdenad sashishia?

    პასუხი

    ფიქრია, ყველაფერი დამოკიდებულია იმაზე, როგორ შეხორცდა წინა საკეისრო კვეთის შემდგომ  თქვენს საშვილოსნოს კედელზე არსებული კვეთის ადგილები, ეს კი ვაგინალური ექოსკოპიური კვლევით მოწმდება.

    რადგან მესამე ორსულობა უკვე შემდგარია, აღარ არის საინტერესო რა პერიოდია გასული წინა საკეისრო კვეთიდან. ოპტიმალური პერიოდი ამ შემთხვევაში 2.5-3 წელია.

    როგორც პრაქტიკა აჩვენებს, როდესაც წინა ორი მშობიარობა საკეისრო კვეთის გზით ჩატარდა, მესამეც სასურველია ასევე საკეისრო კვეთით განხორციელდეს, რადგან ორი ნაწიბურის მქონე საშვილოსნოს კედელზე ის დატვირთვა, რასაც ფიზიოლოგიური მშობიარობის დროს საშვილოსნოს კუნთოვანი ქსოვილის შეკუმშვა ქმნის, მარტივად რომ ვთქვათ - არასასურველია და სარისკოა.

    ფიქრია ბაწაშვილი
    მომხმარებელი
    2016-03-25 19:38:05

  • კითხვა

    Gamarjobat gamotvla minda da rogor gavaketo?

    პასუხი

    შეგიძლიათ დარეგისტრირდეთ საიტზე, ამისთვის ისარგებლეთ ფეისბუქრეგისტრაციის ღილაკით - საიტის მარცხენა ზედა კუთხეშია - მოხვდებით თქვენს კაბინეტში, ჩაწერთ ბოლო მენსტრუაციის თარიღს და ამის შემდეგ ყოველ დღე შეგიძლიათ ნახოთ საიტის პირად კაბინეტში თქვენი ორსულობის ვადა, ასევე ნაყოფის განვითარების მაჩვენებლების შესახებ ინფორმაცია.

    ასევე შეგიძლიათ ისარგებლოთ მთვლელებით, ლინკი.

    Tamar Miqeladze
    მომხმარებელი
    2016-03-24 22:17:41

  • კითხვა

    გამარჯობათ,ვარ 7 თვის ორსული,ყავის დიდი მოყვარული არ გახლავართ,მაგრამ ორსულობაში მაქვს გამძაფრებული სურვილი ვჭამო დაფქვილი ყავა,ძალიან ბევრს არ ვჭამ მაგრამ მაინც მეშინია ამით ბავშვს ვავნებ? წინასწარ მადლობა ყურადღებისთვის

    პასუხი

    გაიზომეთ წნევა და სისხლში ჰემოგლობინის შემცველობა. თქვენი სურვილი შესაძლოა უკავშირდებოდეს ჰიპოტენზიას (რა დროსაც ძლიერდება კოფეინზე მოთხოვნა, რადგან კოფეინი ზრდის სისხლძარების ტონუსს და წნევას) ან ანემიას (ყავა შეიცავს ფოლის მჟავას და ვიტამინ PP, რომელთა ნაკლებობაც იწვევს ჰემოგლობინის სინთეზის დაქვეითებას).

    პირველ შემთხვევაში თქვენ შესაძლოა დალიოთ კოფეინი ტაბლეტებში, სადაც იგი დოზირებული იქნება და აღარ შეგეშინდებათ იმაზე მეტი მიიღოთ, ვიდრე საჭიროა; მეორე შემთხვევაში თქვენ დაგენიშნებათ ვიტამინები - ასევე დოზირებულად.

    ასევე შესაძლოა არც ერთი ზემოთაღნიშნული კლინიკური ნიშანი ჯერ არ იყოს, იყოს მხოლოდ ყავაში შემავალი ნივთიერებების დეფიციტი, უბრალოდ ორსული ქალის ორგანიზმი ზედმიწევნით გრძნობს რა აკლია მას და ცდილობს კვებით აინაზღაუროს, მაშინ მიირთვით ყავა, მაგრამ დღეში 2 ჩაის კოვზს ნუ გადაამეტებთ. 

    ანა
    მომხმარებელი
    2016-03-24 22:14:24

კატალოგი


ყველაფერი თქვენთვის საჭირო ნივთებისა და მომსახურების შესახებ



© 2015 ყველა უფლება დაცულია